DFAK / အထောက်အကူရှာဖွေ

အထောက်အပံ့အမျိုးမျိုးပေးသည့်အဖွဲ့အစည်းများ၏ စာရင်းကို ကြည့်ရှုနိုင်ပါသည်။ အဖွဲ့အစည်းတစ်ခုစီကို နှိပ်၍ ၎င်းတို့၏ဝန်ဆောင်မှုများနှင့် မည်သို့ဆက်သွယ်ရမည်ကို အသေးစိတ်အချက်အလက်များကြည့်ရှုပါ။



Computer Incident Response Center Luxembourg

ဝဘ်ဆိုဒ်: https://circl.lu

CIRCL သည် ပုဂ္ဂလိက၊ ကွန်မြူန်း၊ အစိုးအရမဟုတ်သော အဖွဲ့အစည်းများအတွက် CERT ဖြစ်ပါသည်။

CIRCL သည် Luxembourg ရှိ အသုံးပြုသူများ ၊ ကုမ္ပဏီများ ၊ အဖွဲ့အစည်းများအတွက် ဒစ်ဂျစ်တယ်တိုက်ခိုက်မှု ဖြစ်ပွားစဉ်များကို စိတ်ချယုံကြည်စွာ ကိုင်တွယ်ရှင်းလင်းပေးသော အဖွဲ့အစည်းဖြစ်ပါသည်။ ၎င်း၏ အဖွဲ့ဝင်ကျွမ်းကျင်သူများသည် မီးသတ်တပ်ဖွဲ့တစ်ခုလို အန္တရာယ်တစ်ခု သံသယဖြစ်သည်ဖြစ်စေ ၊ တွေ့ရှိသည်ဖြစ်စေ ၊ ဖြစ်ပေါ်သည်ဖြစ်စေ မြန်ဆန်ထိရောက်စွာ တုံ့ပြန်ပေးပါသည်။

CIRCL၏ ရည်ရွယ်ချက်မှာ ဆိုက်ဘာအန္တရာယ်များ ကို စည်းစနစ်ကျကျ စီစစ်၊ အစီရင်ခံ၊ တုံ့ပြန်ခြင်းတို့ပဲဖြစ်သည်။

အချက်အလက်ချဲ့

Digital Defenders Partnership

ဝဘ်ဆိုဒ်: https://www.digitaldefenders.org

Digital Defenders Partnership (DDP) အဖွဲ့သည် ဒီဂျစ်တယ်ခြိမ်းခြောက်မှုများ ခံယူနေရသော လူ့အခွင့်အရေး ကာကွယ်သူများကို ထောက်ပံ့မှုပေးပြီး ဒေသတွင်း မြန်ဆန်သော တုံ့ပြန်မှုကွန်ယက်များကို ပိုမိုခိုင်မာစေရန် အားဖြည့်ပေးပါသည်။ DDP သည် လူ့အခွင့်အရေး ကာကွယ်သူများ၊​ သတင်းထောက်များ၊ အရပ်ဘက်လူ့အဖွဲ့အစည်းရှိ တက်ကြွလှုပ်ရှားသူများ နှင့် ဘလော့ဂ်ဂါများ စသည့် ပုဂ္ဂိုလ်များနှင့် အဖွဲ့အစည်းများအတွက် အရေးပေါ်ထောက်ပံ့မှုများကို စီစဥ်ဆောင်ရွက်ပေးပါသည်။

DDP တွင် အရေးပေါ်ကိစ္စများကို ဖြေရှင်းရန်အတွက် ရန်ပုံငွေအမျိုးအစား ၅ ခု နှင့် အဖွဲ့အစည်းတစ်ခုအတွင်း စွမ်းဆောင်ရည်မြှင့်တင်ရေးအတွက် ရေရှည်ထောက်ပံ့ကြေးများ ရှိပါသည်။ ထို့အပြင် ၎င်းတို့သည် အဖွဲ့အစည်းများအတွက် ဒီဂျစ်တယ်လုံခြုံရေး နှင့် ပုဂ္ဂိုလ်လုံခြုံရေးဆိုင်ရာ သီးသန့်သင်တန်းများ နှင့် Rapid Response Network (မြန်ဆန်သော တုန့်ပြန်မှုကွန်ယက်) အစီအစဥ်များပါဝင်သည့် Digital Integrity Fellowship ကို ဆောင်ရွက်ပေးပါသည်။

အချက်အလက်ချဲ့





Greenhost

ဝဘ်ဆိုဒ်: https://greenhost.net

Greenhost သည် ကျင့်ဝတ်ရှိစွာ နှင့် ရေရှည်တည်တံ့နိုင်သော နည်းဖြင့် အိုင်တီဝန်ဆောင်မှုများကို ပေးဆောင်ပါသည်။ ၎င်းတို့၏ ဝန်ဆောင်မှုများတွင် ဝဘ်ဆိုဒ်ထောင်ခြင်း၊ ကလောက် (cloud) ဝန်ဆောင်မှုများ နှင့် အချက်အလက်လုံခြုံရေးအတွက် အစွမ်းထက်သော အထူးပြု ဝန်ဆောင်မှုများ ပါဝင်ပါသည်။ Greenhost သည် အများသုံးနိုင်သော ကုဒ်အရင်းမြစ်၏ (open source) ဖွံ့ဖြိုးမှုတွင် တက်ကြွစွာ ပါဝင်ပြီး နည်းပညာ၊ သတင်းစာပညာ၊ ရိုးရာယဥ်ကျေးမှု၊ ပညာရေး၊ ရေရှည်တည်တံ့ခိုင်မြဲရေး နှင့် အင်တာနက်လွတ်လပ်ခွင့် ဆိုင်ရာ စီမံကိန်းများတွင် အလုပ်လုပ်ဆောင်ပါသည်။

အချက်အလက်ချဲ့




Qurium Media Foundation

ဝဘ်ဆိုဒ်: https://www.qurium.org

Qurium Media Foundation သည် လွတ်လပ်သော သတင်းမီဒီယာများ၊ လူ့အခွင့်အရေး အဖွဲ့အစည်းများ၊ စုံစမ်းစစ်ဆေးရေး ဂျာနယ်လစ်များ နှင့် လူ့အခွင့်အရေးအတွက် တက်ကြွလှုပ်ရှားသူများအား လုံခြုံရေးဆိုင်ရာ ဖြေရှင်းမှုများပေးသည့် (Security Solutions Provider) အဖွဲ့အစည်း ဖြစ်ပါသည်။ Qurium သည် အန္တရာယ်ကျရောက်နေသော အဖွဲ့အစည်း နှင့် လူပုဂ္ဂိုလ်များအား သီးသန့်ပံ့ပိုးမှုဖြင့် ပရော်ဖက်ရှင်နယ်စွာ စိတ်ကြိုက်ပြုပြင်နိုင်ပြီး လုံခြုံစိတ်ချရသော ဖြေရှင်းနည်းများကို ပေးဆောင်ပါသည်။ ပါဝင်သော ဝန်ဆောင်မှုများမှာ -

  • အန္တရာယ်ကျရောက်နိုင်သည့် ၀က်ဘ်ဆိုက်များအား DDoS တိုက်ခိုက်မှု လျော့ချရေးဖြင့် လုံခြုံစွာ ထူထောင်ထိန်းသိမ်းခြင်း
  • ခြိမ်းခြောက်မှု ချက်ချင်းခံနေရသော အဖွဲ့အစည်းများ နှင့် လူပုဂ္ဂိုုလ်များအား လျင်မြန်သော တုံ့ပြန်ပံ့ပိုးမှုပေးခြင်း
  • ဝဘ်ဆိုက်ဝန်ဆောင်မှုများ နှင့် မိုဘိုင်းလ်အပ္ပလီကေးရှင်းများအား လုံခြုံရေးစစ်ဆေးခြင်း
  • အင်တာနက် ပိတ်ဆို့ထားသော ဝဘ်ဆိုက်များအား သွယ်ဝိုက်၍ ချိတ်ဆက်ခြင်း
  • ဒီဂျစ်တယ် တိုက်ခိုက်မှုများ၊ လိမ်လည်လှည့်စားသော အပ္ပလီကေးရှင်းများ၊ ပစ်မှတ်ထားသော သူခိုးဆော့ဝဲများ နှင့် သတင်း အချက်အလက်အတုများကို မှုခင်းစုံစမ်းစစ်ဆေးခြင်း

အချက်အလက်ချဲ့


TibCERT - Tibetan Computer Emergency Readiness Team

ဝဘ်ဆိုဒ်: https://tibcert.org/

Tibetan Computer Emergency Readiness Team (TibCERT) သည် တိဘက်အသိုင်းအဝိုင်းတွင် အွန်လိုင်းခြိမ်းခြောက်မှုများကို လျော့နည်းစေရန်အတွက် အဖွဲ့များ ပူးပေါင်းဖွဲ့စည်းထားသည့် တရားဝင်အဖွဲ့ ဖွဲ့ရန် ကြိုးစားပါသည်။ TibCERT သည် တိဘက်ဒေသတွင်း ရွှေ့ပြောင်းလှုပ်ရှားမှုများ ဆိုင်ရာ စောင့်ကြည့်ခံရခြင်း နှင့် ဆင်ဆာဖြတ်တောက်မှုခံရခြင်းများတို့၏ ခြိမ်းခြောက်မှုများကို ခုခံတားစီးနိုင်ရန် နည်းပညာပိုင်း သုတေသန စွမ်းရည်ကို တိုးချဲ့ရန် လုပ်ဆောင်ပါသည်။ TibCERT ၏ ရည်ရွယ်ချက်ကတော့ တိဘက်အသိုင်းအဝိုင်း တစ်ခုလုံးအတွက် အွန်လိုင်းလွတ်လပ်ခွင့် နှင့် လုံခြုံမှု ပိုမိုရရှိစေရန် အတွက်ဖြစ်ပါသည်။

TibCERT ၏ မစ်ရှင်တွင် -

  • ဒီဂျစ်တယ် လုံခြုံရေးကိစ္စများ နှင့် လိုအပ်ချက်များ ဆိုင်ရာ တိဘက် အသိုင်းအဝိုင်းတွင်း သက်ဆိုင်သူများအကြား ရေရှည်ပူးပေါင်းဆောင်ရွက်မှုပြုနိုင်ရန် အတွက် ပလက်ဖောင်းတစ်ခုကို ဖန်တီးပေးခြင်း နှင့် ထိန်းသိမ်းပေးခြင်း
  • တိဘက်လူမျိုးများနှင့် ကမ္ဘာအနှံ့ရှိ သူခိုးဆော့ဝဲ နှင့် ဆိုင်ဘာလုံခြုံရေး သုတေသီများ အကြား အပြန်အလှန် အကျိုးရှိစွာ မျှဝေနိုင်ရန် အတွက် ဆက်သွယ်ချိတ်ဆက်မှုများ ပိုမိုနက်ရှိုင်းစေခြင်း နှင့် တိကျ၍ ပူးပေါင်းဆောင်ရွက်နိုင်သော လုပ်စဥ်များ တည်ဆောက်ခြင်း
  • တိဘက်လူမျိုးများ အတွက် အွန်လိုင်းတိုက်ခိုက်မှုများကို ကာကွယ်လျော့ချနိုင်ရန် အတွက် အသိုင်းအဝိုင်းမှ တွေ့ကြုံရသော ခြိမ်းခြောက်မှုများဆိုင်ရာ အချက်အလက်များ နှင့် အကြံပေးချက်များကို ပုံမှန် ထုတ်ပြန်ခြင်း
  • ပုံမှန်အသေးစိတ် အချက်အလက်များ၊ သုံးသပ်မှုများ နှင့် ဖြေရှင်းချက်များကို ပေးဆောင်၍ တိဘက်လူမျိုးများကို ဆင်ဆာဖြတ်တောက်ခံရခြင်း နှင့် စောင့်ကြည့်ခံရခြင်းတို့မှ သွယ်ဝိုက်နိုင်ရန် ပံ့ပိုးကူညီပေးခြင်း

အချက်အလက်ချဲ့